1
सगाई के गीत
थांका सासरा से राज बनीजी टीका आया राज
टीको पेनो क्योनी राज बनीजी कां हट लाग्या राज
थारी सांकली रो तोड़ो रे वनड़ी बिंदी रो मकोड़ो रे बनड़ी
थां पर वारु बालो जीव बनीजी कांई हट लाग्या राज्।
(नोट- आगे सभी रकम का नाम लेना चाहिए।)
कलश लाते समय कुम्हार का गीत
में थाने पूछूँ परजापत कलश कदी घड़ाया जी
सूरज जी रेणादे जी परन्या था कलश जदी घड़या जी
गजानन्द्जी ने रिध-सिध जी परन्या था कलश जदी घड़या जी
कलश्यो हे लाल गुलाल बिजोरों हिरा जड़यो जी।
(नोट- आगे सब कर का व जवांई का नाम लेवना।)
गणेशजी
चालो गजानंद जोशी के चाला,
तो आछा-आछा लगना लिखावा गजानंद
कोटा की गादी पर नोबत बाजे, चालो ………
गजानंद बजाजी के चाला, तो आछा-आछा
पड़ला मोलावां गजानंद कोटा की गादी पर
नोबत बाजे, नोबत बाजे इन्दरगढ़ गाजे
तो झीनी-झीनी झालर गाजे गजानंद
कोटा की गादी पर नोबत बाजे, चालो ………
गजानंद सोनी के चाला, तो आछा-आछा
गणेला मोलावां गजानंद की गादी पर
नोबत बाजे चालो गजानंद
साजन के चाला तो आछा-आछा
बनड़ा परजावा गजानंद कोटा की गादी
पर नोबत बाजे । नोबत बाजे इन्दरगढ़
गरजे इन्दरगढ़ गाजे तो झीनी-झीनी झालर
गाजे गजानंद कोटा की गादी पर नोबत बाजे
गजानंद
चिंता हरो चिन्तामन गणेश थां बिन घड़ी ना सरे
तमारा शीस मोटा रे गणेश, सवा मन सिन्दूर चढ़े ।
तमारा कान मोटा रे गणेश, पीपल पान झूके ।
तमारी आखँ मोटी रे गणेश, झबरक दिवलो बले ।
तमारी सून्ड मोटी रे गणेश, बासक नाग बनी ।
तमारा दाँत मोटा रे गणेश, सगागन चूड़लो पेरे ।
तमारा हाथ मोटा रे गणेश, चम्पारी डाल झूकी ।
तमारी पीठ मोटी रे गणेश, अम्बा बाड़ी पर चँवर डूले ।
तमारा पाँव मोटा रे गणेश, देवल खम्ब बने ।
तमतो रूग रूग चालो रे गणेश ककुंरा पगलिया बने ।
तमतो गद गद हँसो रे गणेश, पेपरा झूल झूरे ।
माताजी
माता कुल देवी बाहर आय, जात भोली न मंदिर साकड़ो
तोड़ाओ वासुदेवजी र जोध फेरे चिनाओ मंदर मोक्लों
माता सोना रोपा ईंट नकाय मोत्यारी दोन गज कुरमा
माता केसर गार ग्लाय लीपे वासुदेवजी री कुल बहु
कुल बहुओं रो इबछ्ल राख बेठ्या रो अबछल चूडो चून्द्ड़ी
(नोट- आगे सभी घर वाला का नाम लेवना चाहिए।)
सतीमाताजी
अपनी सती ने मेमद सोहे, अपनी सती माता झेला सोहे
झूमना रतन जड़ावो हो सेवग म्हारा सतीयारा डेरा चंदन उबा
चंदन नीचे उबा बागां बीच उबा केशरिया से छेटी मती पाड़ो हो
सेवग म्हारा सतीया रा डेरा चंदन नीचे उबा
(नोट- आगे सभी रकम का नाम लेना)
सतीमाता
लो लो सती माता मेमंद पेरा
झुमणा पेरो तो प्यारा लागो ओ सती माता
मेमंद की डोर वागा माय उजा
लो लो सती माता हंसज पेरा
चुदंड़ी पेरो तो प्यारा लागो ओ सती माता
मेमंद की डोर वागा माय उजा
लो लो सती माता चुड़ला पेरा
गजरा पेरो तो प्यारा लागो ओ सती माता
मेमंद की डोर वागा माय उजा
लो लो सती माता पायल पेरा
बिछिया पेरो तो प्यारा लागो ओ सती माता
मेमंद की डोर वागा माय उजा
लो लो सती माता चंपला की छाया
केवड़ा में करे रे किलोर ओ सती माता
मेमंद की डोर वागा माय उजा
कुलदेवी
थे तो गज-गज चालो हो नाम कुल देवी का
माता ऊपर चंवर डुले। माता ई कुण करे
आपकी सेवा ई कुण पायं पड़ो
माता नाम जी करे आपकी सेवा
बहु लाड़ी पायं पड़े
माता अन्न धन दूध पुत्र दीजो
जो आपकी सेवा करे ।
माता सेवा करे ओ गुण मानो मन
की मंशा पुरे ।
पंगल्या पूंजू मैं आंगन में कंकु घोल-घोल
के कंकु घोल-घोल के चावल डोल-डोल के
पंगल्या पूंजू मैं आंगन में कंकु घोल-घोल
के कंकु घोल-घोल के चावल डोल-डोल के दराड़ी
माता आपने मनावा हाथ जोड़ जोड़ के
(इसके आगे सभी देवता के नाम लेना)
टोडरमलजी
टोडरमलजी सीस का चीरा सवा लाख का
टोडरमलजी पेंचा को अदक स्वरुप ओ
दिल्ली का राजा भला रो पधारो अणी मालवे।
टोडरमलजी कान्हा का मोती सवा लाख का
टोडरमलजी लाला को अदम स्वरुप ओ
दिल्ली का राजा भला रो पधारो अणी मालवे।
टोडरमलजी धोरा घोड़ा ने धोरा बेसना
टोडरमलजी धोरा उड़े रे निशान ओ
दिल्ली का राजा भला रो पधारो अणी मालवे।
टोडरमलजी हिवड़ा कि कण्ठी सवा लाख की
टोडरमलजी चेना को अदक स्वरुअप ओ
दिल्ली का राजा भला रो पधारो अणी मालवे।
टोडरमलजी अंगे का वागा सवा लाख का
टोडरमलजी केसर को अदक सरुप ओ
दिल्ली का राजा भला रो पधारो अणी मालवे।
टोडरमलजी हाथा का कड़ा सवा लाख का
टोडरमलजी पौंची को अदक सरुप ओ
दिल्ली का राजा भला रो पधारो अणी मालवे।
टोडरमलजी पावा का मौजा सवा लाख का
टोडरमलजी मेंहदी को अदक सरुप ओ
दिल्ली का राजा भला रो पधारो अणी मालवे।
टोडरमलजी बेठवा की गादी सवा लाख का
टोडरमलजी तेजी को अदक सरुप ओ
दिल्ली का राजा भला रो पधारो अणी मालवे।
टोडरमलजी कुणाजी बंधाया आपका देवरा
टोडरमलजी कुणाजी चलाया आपकी धाम
दिल्ली का राजा भला रो पधारो अणी मालवे।
टोडरमलजी (नाम) कुणाजी बंधाया आपका देवरा
टोडरमलजी (नाम) कुणाजी चलाया आपकी धाम
दिल्ली का राजा भला रो पधारो अणी मालवे।
राजाटोडरमलजी की स्तुति
(1)
टोडरमलजी के पागा सोहे
सूरज छतरिया में
थी आवो जी टोडरमल सा
सूरज छतरिया में
सूरज छतरिया में
टोडरमल सा रंग वाड़या में
थी आवो जी टोडरमल सा
सूरज छतरिया में
(2)
टोडरमलजी के कण्ठी सोहे
सूरज छतरिया में
थी आवो जी टोडरमल सा
सूरज छतरिया में
(3)
टोडरमलजी के वागा सोहे
सूरज छतरिया में
थी आवो जी टोडरमल सा
सूरज छतरिया में
(4)
टोडरमलजी के घड़िया सोहे
सूरज छतरिया में
थी आवो जी टोडरमल सा
सूरज छतरिया में
(5)
टोडरमलजी के पावड़िया सोहे
सूरज छतरिया में
थी आवो जी टोडरमल सा
सूरज छतरिया में
(6)
टोडरमलजी के संगे राणिया सोहे
सूरज छतरिया में
थी आवो जी टोडरमल सा
सूरज छतरिया में
(7)
टोडरमलजी के पालकी सोहे
सूरज छतरिया में
थी आवो जी टोडरमल सा
सूरज छतरिया में
राजा टोडरमलजी
वंदनागीत
(1)
रकड़ी मारी तो सोनीड़ा
दो दन कैड़े वण जेरे
टोडरमलजी की पालकी
फूर्ति से घड़ जे रे
बैठो रेल में……
रेल तो या डगमग चाले रे
मोटर चाले सन्नाटे
टोडरमलजी की पालकी
हवा में उड़े रे
बैठो रेल में……
(2)
चुन्दर मारी तो दर्जीड़ा
दो दन कैड़े सील जे रे
टोडरमलजी का वागा
फूर्ति से सील जे रे
बैठो रेल में……
(3)
गला रा हार मारे सोनीड़ा
दो दन कैड़े घड़ जे रे
टोडरमलजी री फण्ठीमारा
फूर्ति से घड़ जे रे
बैठो रेल में……
(4)
काना री झुमक्या सोनीड़ा मारे
दो दन कैड़े घड़ जे रे
टोडरमलजी रा काना रा मोती
फूर्ति से वण जे रे
बैठो रेल में……
(5)
जुतीया मारी तो मोचीरा
दो दन कैड़े वण जे रे
टोडरमलजी री पावड्या
फूर्ति से घड़ जे रे
बैठो रेल में……
(6)
गाड़ी मारी तो सुतारया
दो दन कैड़े घड़ जे रे
टोडरमलजी री पालकी
फूर्ति से घड़ जे रे
बैठो रेल में……
राजा टोडरमलजी स्तुति गीत
(1)
ऊँचा तो जरा देखो
जर्मन की जहाज आई
जर्मन की जहाज आई
वो क्या क्या सामान लाई
टोडरमलजी सारु पागा
पैछा में रंग लाई ………
(2)
ऊँचा तो जरा देखो
जर्मन की जहाज आई
जर्मन की जहाज आई
वो क्या क्या सामान लाई
टोडरमलजी सारु मोती
लाला में रंग लाई ………
(3)
ऊँचा तो जरा देखो
जर्मन की जहाज आई
जर्मन की जहाज आई
वो क्या क्या सामान लाई
टोडरमलजी सारु कण्ठी
डोरा में रंग लाई ………
(4)
ऊँचा तो जरा देखो
जर्मन की जहाज आई
जर्मन की जहाज आई
वो क्या क्या सामान लाई
टोडरमलजी सारु वागा
किसणा में रंग लाई ………
(5)
ऊँचा तो जरा देखो
जर्मन की जहाज आई
जर्मन की जहाज आई
वो क्या क्या सामान लाई
टोडरमलजी सारु संगे राणियां
जोड़ी मे में रंग लाई ………
(6)
ऊँचा तो जरा देखो
जर्मन की जहाज आई
जर्मन की जहाज आई
वो क्या क्या सामान लाई
टोडरमलजी सारु वेड़िया
कलमा में रंग लाई ………
राजा टोडरमलजी स्तुति गीत
(1)
टोडरमलजी माथा री पागा अदे वणी
टोडरमलजी पैचारो अद कैसे रोपे
टोडरमलजी भला ते पधारया माके मालवा
(2)
टोडरमलजी काना रे मोती अदे वण्या
लाला को जड्यो रे जड़ाव्
भला ते पधारया माके मालवा
(3)
टोडरमलजी हिवड़ा री कण्ठी अदे वणी
डोरा रो जड्यो रे जड़ाव्
भला ते पधारया माके मालवा
(4)
टोडरमलजी हाथा री घड़िया अदे वणी
चैना रो जड्यो रे जड़ाव्
भला ते पधारया माके मालवा
(5)
टोडरमलजी पावाँ रे मौजा अदे वण्या
मेहंदी रो जड्यो रे जड़ाव्
भला ते पधारया माके मालवा
(6)
टोडरमलजी अंगे रा वागा अदे वण्या
किसना रो जड्यो रे जड़ाव्
भला ते पधारया माके मालवा
(7)
टोडरमलजी संगे री राणिया (परणियाँ)
जोड़िरो जड्यो रे जड़ाव्
भला ते पधारया माके मालवा
(8)
टोडरमलजी संगे री वेणिया अदे वणी
कलमा जड्यो रे जड़ाव्
भला ते पधारया माके मालवा
भेरुजी
ससुराजी मनावे ओ भेरूजी सासु मनावे
लुर-लुर लागे आपके पायं ओ मारा
कुल का भेरु नोबत बाजे, नोबत बाजे
ओ भेरुजी झांझर बाजे, सांरगी बाजे
मीठी तान ओ मारा कुल ओ भेरूजी जेठानी मनावे
लुर-लुर लागे आपके पायं ओ मारा
कुल का भेरु नोबत बाजे,
देवर मनावे ओ भेरूजी देवरानी मनावे
लुर-लुर लागे आपके पायं ओ मारा
कुल का भेरु नोबत बाजे,
कंवर मनावे ओ भेरूजी कुंर्वअ मनावे
लुर-लुर लागे आपके पायं ओ मारा
कुल का भेरु नोबत बाजे,
ननदोई मनावे ओ भेरूजीबाई सा मनावे
लुर-लुर लागे आपके पायं ओ मारा
कुल का भेरु नोबत बाजे,
कूकड़ो (प्रभातिया) का गीत
राजा ऊंचो सो चवरियो सो खुटियो,
जांप ररालीया नवरंगी खाट हर बोलो दिवान जीरा कूकड़ा
जापर पोड़या सूरज जी हो राय,
चन्द्रमाजी हो राय, गजानन्दजी हो
राय देवी देवता होराय, हर बोलो दिवानजी रा कूकड़ा
वांरी राण्या हो जगाविया जागो जागो सोंधरा बाई
रा बीर हर बोलो दीवानजी रा कुंकड़ा
राजा जागत पेंचा सवारिया थांका पेंचा पर ही हीरामोति लाल
हर बोलो दिवानजी रा कुकड़ा
नोट- आगे घर वाला का माय्ररा वाला का जंवाई का भांजा का नाम लेवना ।
No comments:
Post a Comment